काय काय तू गोळा केले आयुष्या रे सटरफटर ;
गझला,गाणी, कविता,पत्रे,ग्रंथ बिचारे सटरफटर .
पटलेल्यांना जीव लाव तू, हुकलेल्यांना टाटा कर ;
सवाल नाजुक सोडव प्रेमा, अशा प्रकारे सटरफटर.
भिंतीपाशी रडती भिंती सांगत गोष्टी दुःखाच्या ;
घराघराची किरकिरणारी खिडक्या - दारे सटरफटर.
वीज बांधतो मिठीत कोणी भाग्यवान तो एखादा ;
उल्का होउन कोसळणारे कितीक तारे सटरफटर.
थेंबाथेंबासाठी वणवण मरता मरता बायांनो,
'मुली वाचवा मुलीस शिकवा ' ऐका नारे सटरफटर.
सुखदुःखाला साक्षी राहे तोच विठोबा खरा तुझा ;
भोजनभाऊ खाण्यापुरते बाकी सारे सटरफटर.
गझला,गाणी, कविता,पत्रे,ग्रंथ बिचारे सटरफटर .
पटलेल्यांना जीव लाव तू, हुकलेल्यांना टाटा कर ;
सवाल नाजुक सोडव प्रेमा, अशा प्रकारे सटरफटर.
भिंतीपाशी रडती भिंती सांगत गोष्टी दुःखाच्या ;
घराघराची किरकिरणारी खिडक्या - दारे सटरफटर.
वीज बांधतो मिठीत कोणी भाग्यवान तो एखादा ;
उल्का होउन कोसळणारे कितीक तारे सटरफटर.
थेंबाथेंबासाठी वणवण मरता मरता बायांनो,
'मुली वाचवा मुलीस शिकवा ' ऐका नारे सटरफटर.
सुखदुःखाला साक्षी राहे तोच विठोबा खरा तुझा ;
भोजनभाऊ खाण्यापुरते बाकी सारे सटरफटर.