हसण्यावाचुन जगी आपले कोणी नसते भाई;
जगण्यासाठी आधाराला हसणे असते भाई.
पैसाअडका, नातीगोती, सगेसोयरे खोटे;
मैत्र तेवढे हसण्याचे ते सच्चे दिसते भाई.
ज्याला जमले हसणे त्याचे सुंदर झाले जगणे;
आले नाही हसता त्याचे जगणे फसते भाई.
वाण हसूचा छान जमवितो जगण्यासोबत सौदा;
शिवले ज्याने ओठ तयाचे दुकान बसते भाई.
लाख होउ दे सभोवताली उजाड बागबगीचे;
गाव फुलांचे मनात हस-या अमुच्या वसते भाई.
(’गुलाल आणि इतर गझला’ या संग्रहाच्या मलपृष्ठावरील गझल)
जगण्यासाठी आधाराला हसणे असते भाई.
पैसाअडका, नातीगोती, सगेसोयरे खोटे;
मैत्र तेवढे हसण्याचे ते सच्चे दिसते भाई.
ज्याला जमले हसणे त्याचे सुंदर झाले जगणे;
आले नाही हसता त्याचे जगणे फसते भाई.
वाण हसूचा छान जमवितो जगण्यासोबत सौदा;
शिवले ज्याने ओठ तयाचे दुकान बसते भाई.
लाख होउ दे सभोवताली उजाड बागबगीचे;
गाव फुलांचे मनात हस-या अमुच्या वसते भाई.
(’गुलाल आणि इतर गझला’ या संग्रहाच्या मलपृष्ठावरील गझल)