नाही कधी कुणाची होणार राजनीती;
वेश्येपरी बदलते आचार राजनीती.
प्रेमात रोज सौदा,मैत्रीत रोज धोका;
करणार भावनांचा व्यापार राजनीती.
साडी असेल ह्याची,चोळी असेल त्याची;
मांडेन कुंकवाचा बाजार राजनीती.
तू पाय चाट वेड्या तेव्हा मिळेल पेढा;
लाचार मस्कर्यांना आधार राजनीती.
पत्नी-मुलास देते सत्तेपुढे बळी अन्
जाळून टाकते ही घरदार राजनीती.
सडवून धान्य त्याची गाळेन मस्त दारू;
लुटवून देत नाही कोठार राजनीती.
-
कोणत्याही टिप्पण्या नाहीत:
टिप्पणी पोस्ट करा