माह्या जिवाले वाटते

तुह्या डोयात बसावं माह्या जिवाले वाटते;
तथी घरटं बांधावं माह्या जिवाले वाटते.

तोंड लपवण्यासाठी मले नाही कुठी जागा;
तुह्या मनात लपावं माह्या जिवाले वाटते.

तुह्या मुचूक जगणं वाटे जह्यराची पुडी;
तुह्या संगंच मरावं माह्या जिवाले वाटते.

माह्या मनातलं गूज कसं मोठ्यानं मी बोलू;
तुह्या कानात सांगावं माह्या जिवाले वाटते.

माह्या नावापुढे मले लावू वाटे तुहं नाव;
तुहं नाव मिरवावं माह्या जिवाले वाटते.
____________________________