तसा न चंद्र राहिला

    तसा न चंद्र राहिला

संगीत : गायक : दिनेश अर्जुना

 तसा न चंद्र राहिला

संगीत : गायक : दिनेश अर्जुना

तसा न चंद्र राहिला, तशी न रात राहिली;

अजूनही तशीच तू तनामनात राहिली.

अजून आठवे मला सुरेख तीळ सावळा;

अमीट खूण ती तुझी सखे उरात राहिली.

शहारते पुन्हा पुन्हा गळ्यात गीत ते तुझे;

मधूर चोरटी मिठी तुझी स्वरात राहिली.

कधी कधी हवेत ह्या तुझाच स्पर्श जाणवे;

फिरून सावली तुझी जशी घरात राहिली.

पुसून लोचने जिथे तुझा निरोप घेतला;

अजून ती मनात ह्या तुझी वरात राहिली.

-------------------------------------------------
('तरुण भारत' 28 जुलै 1985)

■ लेखन : १ मार्च १९८४