सोन्यास काय चाटू,खाऊ कसे हिर्‍याला?

सोन्यास काय चाटू,खाऊ कसे हिर्‍याला?


श्रीमंत देव तुमचे लखलाभ ते तुम्हाला.



तू सांग थोर गोष्टी बाहेरच्या जगाला;


ठाऊक तू कसा रे आहे तुझ्या मनाला.



संसार मांडण्याच्या आधीच मोडला तू;


प्रेमात शेवटी तो व्यवहार आड आला.



पाण्यात पीठ बाळा मी घालते सुखाने;


तू गोड कर मुखाने समजून दूधकाला.



माझे मला न भारी लेंढार लेकरांचे;


का रुक्मिणी म्हणाली त्या बाप विठ्ठलाला?



कोणत्याही टिप्पण्‍या नाहीत: