तू जगाला दे झकोला छानपैकी

■ तू जगाला दे झकोला छानपैकी

■ गझल : श्रीकृष्ण राऊत

■ स्थळ : पातूर : गोपाल गाडगे यांचे घर

■ दि. २३ नोव्हें.२३

■ VC: Pralhad Nilkhan

.

तू जगाला दे झकोला छानपैकी
मार त्याला मस्त टोला छानपैकी.
.

एक साधा मंत्र सांगू का सुखाचा
आण गजरा बायकोला छानपैकी.
.

घालतो प्रेमात बिब्बा फक्त पैसा
तेवढे सोडून बोला छानपैकी.
.

बंद झाली फ्लॅटची सारी कवाडे
काळजाचे दार खोला छानपैकी.
.

घोट दुःखाचा तसा पचणार नाही
तू घसा कर चिंब ओला छानपैकी.
.

होउद्या मधुमेह कडव्या कारल्याला
साखरेहुन गोड बोला छानपैकी.
.

जोतिबा या निर्मिकाचे सत्य सांगा
आसुडाने पाठ सोला छानपैकी.

( शब्द शिवार दिवाळी २२ )