Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

घरावर आणती गोटे उघड झाल्यास घोटाळे

घरावर आणती गोटे उघड झाल्यास घोटाळे
कधी हे आम घोटाळे,कधी ते खास घोटाळे.

परीक्षा घेतली जेव्हा पुन्हा मेरीटवाल्यांची
निघाले कागदोपत्री किती नापास घोटाळे.

वजन अर्ध्यावरी आले, पुढे व्हावे कसे ह्यांचे?
कराया लागले म्हणती कडक उपवास घोटाळे.

हवा मारून पंपाने फुगा रंगीत फुगवावा
उभा करती खुशालीचा तसा आभास घोटाळे.

कधी आनंद नासवती, कधी प्रेमास बाटवती ;
कधी घेतात रयतेच्या सुखाचा घास घोटाळे.

शिळे झालेत केव्हाचे नको पारायणे त्यांची
घडवती रोजचा वाचा नवा इतिहास घोटाळे.

( 'कविता - रती ' दिवाळी २०१६ )

  © Blogger templates Newspaper III by Ourblogtemplates.com 2008

Back to TOP