Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

१६.७.१६

परस्परांचा वापर केला पण बोभाटा नको वाटतो

परस्परांचा वापर केला पण बोभाटा नको वाटतो ;
फुलल्यावरती कमळालाही भवती गाटा* नको वाटतो.

अक्कलखाती किती टाकता नावे बाकी नुकसानीची
जुनी निघेना भरून हानी ,नवीन घाटा नको वाटतो.

स्थळ- काळाचे भान हरपते, केवळ उरतो आपण दोघे ;
टिकटिकणारा घड्याळातला तेव्हा काटा नको वाटतो

माझ्या हिस्स्यापुरती जागा मनात दुनिये दे कायमची ;
मला कुण्याही सिकंदराच्या धनात वाटा नको वाटतो.

वर्षामधुनी दोन - चारदा रस्ते झाडू, फोटो छापू ;
संत गाडगेबाबा तुमचा रोज खराटा नको वाटतो !

*चिखल
_______

लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP