Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

२४.७.१४

येथे असा कसा हा सांगा वसंत आला

येथे असा कसा हा सांगा वसंत आला;
बागेतल्या फुलांचा उमलून अंत आला!

झाली हसावयाची हल्ली इथे मनाई;
तो थेंब आसवाचा घेऊन खंत आला!

होणार लूट यंदा यात्रेत भाविकांची;
ह्या मंदिरात कोणी भोंदू महंत आला.

ढोंगी बहूरुप्यांचे हे चेहरे दुतोंडी;
मज एक चेहराही नाही पसंत आला!

पाण्यात पाहणारे वाहून सर्व गेले;
होऊन वाफ जो तो माझ्यापर्यंत आला!

तुमचे स्मशान नक्की झाले निरूपयोगी;
त्याच्याशिवाय नाही मुडदा जिवंत आला!

■ लेखन : ८ ऑक्टोबर १९८०

लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP