Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

१९.१२.०९

तुकारामा

पुजा-यांच्या दिली हाती कुणी लाठी तुकारामा;
विठोबाला हवी तुमची अता काठी तुकारामा.

स्फुरे का शब्दकोषांना कधी वाणी अभंगाची;
शिदोरी भोगण्याची ती हवी गाठी तुकारामा.

किनारी चंद्रभागेच्या विकत घ्या प्लॉट मोक्याचे;
तुम्हाला सांगतो तुमच्या भल्यासाठी तुकारामा.

अहो,काही खरे नाही मनी आनंद-डोहाचे;
समाधानी कपाळावर दिसे आठी तुकारामा.

कळाया चाल हेकोडी,जगाशी द्या भिडू त्यांना;
मुलांना घालता पाठी कशासाठी तुकारामा.

नकोसे होत जाणारे मरू लागे हळू नाते;
फुलांचे होउनी ओझे रुते पाठी तुकारामा.

जिवांच्या लागले मागे तगादे सावकारांचे;
किती मी सावडू हाडे नदीकाठी तुकारामा.

( पूर्वप्रसिद्धी :‘कविता-रती’दिवाळी अंक २००९ )
____________________________________________________
   
    शीर्षक क्लीक करा : गझल वाचा 
____________________________________________________
*******************************************************

*******************************************************


लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP