बांधून टाकलेली आहे जरी हवा ही;
उच्चार वादळाचा तो थांबणार नाही.
वारूळ शोधणा-या मुंग्या पुढे निघाल्या;
वाटेत पर्वतांनी केली जरी मनाई.
हुंकार देत आहे काळोख भोवताली;
सांभाळ रे दिव्या तू रंगीत रोशणाई.
जिव्हा विकून तोंडे बसली जरी मुक्याने;
दौतीत कोणत्याही नाही गहाण शाई.
खाऊन घे गिधाडा तू एक प्रेत माझे;
अनुवाद भाकरीचा चालू दिशात दाही.
------------------------------------
('अनुष्टुभ्' मार्च-एप्रिल 1981)
------------------------------------
('अनुष्टुभ्' मार्च-एप्रिल 1981)
कोणत्याही टिप्पण्या नाहीत:
टिप्पणी पोस्ट करा