Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

६.५.०८

गंगा

तू राहतेस हल्ली कोण्या भ्रमात पोरी;
वैरीण होत आहे काया तुझीच गोरी.

अंधार दाटल्याने तो साप वाटतो पण
अडवून मार्ग बसली ती फक्त एक दोरी.

जे काय पाहिले ते ठाऊक फक्त त्याला;
शेजेसमोर होता जो आरसा बिलोरी.

मी स्पष्ट बोलणारा, मी न्याय मागणारा;
डोळ्यात हीच त्यांच्या माझी सले मुजोरी.


पाहून रोज ज्याचा करतो कुबेर हेवा;
ऐसी जगानिराळी माझी दिवाळखोरी.

जठरामधील अग्नी जाळेल पोट जेव्हा;
होईल भरदुपारी तेंव्हा घरात चोरी.

अवघ्या जगास ज्यांनी होते दिले धडे पण
मी पाहिली तयांची पाटी अखेर कोरी.

पापे धुऊन अमुची झाली गढूळ गंगा;
आहे कशी कळेना तुमची पवित्र मोरी.

--------------------------------------------
('तरुण भारत' दिवाळी 1985)

2 comments:

a Sane man ७ मे, २००८ रोजी ११:३४ AM  

"पाहून रोज ज्याचा करतो कुबेर हेवा;
ऐसी जगानिराळी माझी दिवाळखोरी."

kya baat hai!

लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP