ना झोपतो, ना जागतो, मी वागतो वेड्यापरी

ना झोपतो, ना जागतो 

संगीत : गायक : दिनेश अर्जुना

ना झोपतो, ना जागतो 

संगीत : गायक  : दिनेश अर्जुना

ना झोपतो, ना जागतो, मी वागतो वेड्यापरी;
तंद्रीत एका वेगळ्या मी राहतो वेड्यापरी.

सत्यात अन् स्वप्नातही झाल्या किती भेटी तुझ्या;
रात्रंदिनी बोटावरी मी मोजतो वेड्यापरी.

वेणीत जी तू खोवली होती गुलाबाची फुले;
एकेक त्यांची पाकळी सांभाळतो वेड्यापरी.

नाते मला लागे पुसू, ‘‘आहेस माझी कोण तू’’?
प्रश्नास ह्या साध्यासुध्या मी हासतो वेड्यापरी.

होणार ते होवो उद्या त्याची न मजला काळजी;
प्रेमात माझ्या आजच्या मी झिंगतो वेड्यापरी.

चोरून सर्वांपासुनी जो ठेवला फोटो तुझा;
त्यालाच एकांती कधी मी चुंबितो वेड्यापरी.
------------------------------------------------------
('लोकमत' 1 मार्च 1992)