काही करून मीही होणार मुख्यमंत्री
माझ्यापरी न दुसरा
दिलदार मुख्यमंत्री !
अभिनय बघून माझा ऑस्कर मिळेल नक्की
फोटोत हासणारा बेजार
मुख्यमंत्री !
खाऊन काय खावे उरले न
खावयाला
डोके भल्याभल्यांचे खाणार मुख्यमंत्री !
येईन मी पुन्हा रे, देतो वचन तुम्हाला
ऐसी शपथ नव्याने घेणार मुख्यमंत्री !
जनता खुळी बिचारी चर्चा करीत बसते -
''येणार मुख्यमंत्री जाणार मुख्यमंत्री !''
अख्ख्या जगात कोठे उपचार सापडेना
आहे असाध्य मोठा आजार मुख्यमंत्री !
परजून घेतलेले कंठासवे जिभेला
गाणे बगावतीचे गाणार मुख्यमंत्री !
मेली तरी मरू द्या आताच लोकशाही
टिटवे पुढे सुखाने धरणार मुख्यमंत्री !
■ देशोन्नती दिवाळी २३
कोणत्याही टिप्पण्या नाहीत:
टिप्पणी पोस्ट करा