Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

१३.९.१०

बियाणे

बेरंग बाग झाली; कोठे सुगंध गेले?
येथे ऋतूऋतूंनी चाळे अनेक केले.

पोलाद शब्द सगळे हे ओकतात भूसा;
की प्रस्थ वाळवीचे भलतेच माजलेले?

पंचांग सांगते की होईल खूप वर्षा;
नवजात शेत माझे संपूर्ण वाळलेले.

डोळ्यात वीज माझ्या, ओठावरी निखारे;
माझ्या उरात ताजे हंगाम पेटलेले.

आहे तसाच आणा काळा चहा गडे हो;
येथील दूध सारे बोके पिऊन गेले.

वाफ्यातले जुने हे बदलू जरा बियाणे;
तेव्हा कुठे इथेही उगवेल पेरलेले.
---------------------------------------
('आविष्कार' दिवाळी 1982)
■ लेखन : १९७९



_____________________________________






लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP