Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

१३.१०.०९

माळ

शब्दात आग आहे; अर्थात जाळ नाही;
भाषाच कोरडी की तोंडात लाळ नाही़.

पाहून चार किरणे भुलला कसा दिशा तू?
सूर्यास्त होत आहे सध्या सकाळ नाही़.

तू वांझ गाजलेली; आई कसा म्हणू मी?
पान्ह्यात दूध नाही, काखेत बाळ नाही़.

अर्धा उभार फसला आहे नदीत जो तो;
काठावरील म्हणती पाण्यात गाळ नाही़.

रक्तात स्फोट करतो ज्वालामुखी कधीचा;
तू मानतोस तितकी छाती मवाळ नाही़.


झालीस तू सुखाची शोकेस भाग्यशाली;
काचात बंद कैदी माझे कपाळ नाही.

जगतो म्हणून त्याला झाली असेल फाशी;
प्रेतावरी बघाना काहीच आळ नाही!


दुःखात नाचणार्‍या असतील खूप वेश्या;
माझ्यातरी व्यथेच्या पायात चाळ नाही़.

खाऊ कसा चवीने मी मांस माणसांचे;
माझ्या गळ्यात देवा ती 'खास' माळ नाही!

------------------------------------------------
('अनुष्टुभ्' दिवाळी 1981)

■ लेखन : २३ मार्च १९८१


लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP