तुझ्या हासण्याचे दिवाणे किती?

तुझ्या हासण्याचे दिवाणे किती

संगीत : गायक : प्रा. हर्षवर्धन मानकर

तुझ्या हासण्याचे दिवाणे किती

संगीत : गायक : मदन काजळे

तुझ्या हासण्याचे दिवाणे किती : संगीत : गायक : प्रा.हर्षवर्धन मानकर

तुझ्या हासण्याचे दिवाणे किती : संगीत : गायक : दिनेश अर्जुना

.

तुझ्या हासण्याचे दिवाणे किती?
तुझे चाहते कोण जाणे किती!

मला चार गोष्टी सदा सांगती;
तुझे दोन डोळे शहाणे किती.

मला नाव माझे स्मरेना प्रिये;
तुला पाठ झाले उखाणे किती!

किती जीवघेणा अबोला तुझा;
मला जाळण्याचे बहाणे किती!

गझल, गीत, कविता, रुबाई अशी-
तुझी राहण्याची ठिकाणे किती.

मला जात माझी विचारू नको;
तुझे उंच आहे घराणे किती.

...........................................

लेखन : १४ सप्टे. २००९