दिसते जरी तुम्हाला ही फार छान वस्ती;
सेंटेंड माणसांची भलतीच घाण वस्ती.
प्राणापल्याड जपते निवडुंग जागजागी
अन् टाकते फुलांची मोडून मान वस्ती.
भुलतात मार्ग दिवसा, पडतात रोज चकवे;
थडग्यातल्या घरांनी केली स्मशान वस्ती.
भन्नाट हे जिणे पण बेतीव वादळांचे;
पेल्यातले जणू हे आहे तुफान वस्ती.
यांच्या करामतींना नाही अशक्य काही;
पोरीस अर्धकच्च्या आणेल न्हाण वस्ती.
खाऊन थुंकणारी, थुंकून चाटणारी;
नाही जगात कोठे ऐसी महान वस्ती.
कोणत्याही टिप्पण्‍या नाहीत:
टिप्पणी पोस्ट करा