Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

३.११.०८

पहाट


पर्णात ओल नाही,झाल्यात जीर्ण शाखा;
वृक्षावरी युगाच्या लावा नवी पताका.

तुमच्या शिळ्या कढीला का ऊत आणता रे?
चोचीत ह्या भुकेल्या ताजे नवीन टाका.

टाळा हुशार पाणी बेटे सनातनी ते;
चवदार या तळ्याला राखा असेच राखा.

रक्तास ह्या निधर्मी रे कुष्ठरोग आहे;
त्यानेच बघ असा हा आला प्रसंग बाका.

नाहीत शिष्य भोळे ते एकलव्य आता;
द्रोणास शक्य नाही शास्त्रोक्त भव्य डाका.

रक्ताळल्या पहाटे उगवेल सूर्य नक्की;
डाल्यात कोंबड्याला कोणी खुशाल झाका.
-------------------------------------------------
('समुचित' दिवाळी 1984)

लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP