Related Posts Plugin for WordPress, Blogger...
Related Posts Plugin for WordPress, Blogger...
Related Posts with Thumbnails

*श्रीकृष्ण राऊत विशेषांक*

मौलिक मराठी गझललेखनाकरिता बांधण जनप्रतिष्ठानच्या'जीवनगौरव' पुरस्काराने आणि यू.आर.एल फाउंडेशनच्या 'गझल गौरव' पुरस्काराने सन्मानित ज्येष्ठ गझलकार श्रीकृष्ण राऊत यांच्या गझलांविषयी वाचा श्रीकृष्ण राऊत विशेषांक येथे *श्रीकृष्ण राऊत विशेषांक* वाचा

७.७.०८

लकवा

जे शोध भाकरीचा घेण्या घरून गेले;
हे वृत्त आज आले की ते मरून गेले.


नावा किती बुडाल्या त्याचा हिशोब नाही;
पण दीपस्तंभ सारे सागर तरून गेले.


गावात पापण्यांचा दुष्काळ कोरडा हा-
वाटे जरी रडावे अश्रू सरून गेले.


हा चेहरा तुझाही मळकाच वाटतो रे;
आयुष्य का तुझेही ते वापरून गेले.


वेगात खूप तूही वाहू नकोस वा-या;
फाटेल आणखी हे लक्तर विरून गेले.


मेंदूस सर्व त्यांच्या झाला लगेच लकवा;
तुमचे विचारवारे ज्यांच्यावरून गेले.

-------------------------------------------
('दृष्टी'दिवाळी 1983)

■ लेखन : २५ जून १९८३

1 comments:

Mahesh Savale १५ मार्च, २००९ रोजी ८:४१ AM  

वा.....तुमचे विचारवारे ज्यांच्यावरून गेले......वा...वा...वा...

लोकप्रिय पोस्ट

Netbhet.com
Blogvani.com

  © Blogger templates Newspaper III by Ourblogtemplates.com 2008

Back to TOP