नाव आता तिचे तू विचारू नको

नाव आता तिचे तू विचारू नको :

संगीत : गायक : डॉ. कुणाल इंगळे

 

नाव आता तिचे : मयुर महाजन

नाव आता तिचे तू विचारू नको;
जीव गेल्यावरी बाण मारू नको.

भोवर्‍याने मला छान मुक्‍ती दिली;
प्रेत माझे जळा व्यर्थ तारू नको.


माझिया ऐवजी ओठ ज्या चुंबिती;
त्या बटांना गडे दूर सारू नको.


धुंद आपापली वेगळी वेगळी:
ह्यास पूजा नको, त्यास दारू नको.


पाखरांच्या पहा बैसल्या पंगती;
जहर दाण्यांवरी तू फवारू नको.


लाव डावावरी राज्य तू आपले;
द्रौपदीला परी त्यात हारू नको.