"प्रिय श्रीकृष्ण राऊत,गझला वाचल्या. आवडल्या. तुम्हाला गझलरचनेची नस सापडली आहे.अभिनन्दन.तुमचा- पु.ल. देशपांडे,३एप्रिल,१९८९ '' ................................................... * स. न.वि.वि.आपला काव्यसंग्रह मिळाला. फार आभारी आहे. गझल प्रकारावर आपले चांगले प्रभुत्व आहे.कविता आशयसंपन्न,हृद्य आहे.धन्यवाद. - वि.वा.शिरवाडकर, २०/९/१९८९ *
येशील काय शोधत पत्ता कधीतरी
देशील काय थोडा* दिलासा कधीतरी
झालो गहाळ मी बघ गर्दीत येथल्या
लागो मलाच माझा* सुगावा कधीतरी
हिस्सा सुखातला तर होता दिला तुला
दुःखातला घे* तू मग वाटा कधीतरी
झाल्याशिवाय बाप न कळणार दुःख हे
होशील बाप तू पण बेट्या कधीतरी
टिप्पणी पोस्ट करा
कोणत्याही टिप्पण्‍या नाहीत:
टिप्पणी पोस्ट करा