"प्रिय श्रीकृष्ण राऊत,गझला वाचल्या. आवडल्या. तुम्हाला गझलरचनेची नस सापडली आहे.अभिनन्दन.तुमचा- पु.ल. देशपांडे,३एप्रिल,१९८९ '' ................................................... * स. न.वि.वि.आपला काव्यसंग्रह मिळाला. फार आभारी आहे. गझल प्रकारावर आपले चांगले प्रभुत्व आहे.कविता आशयसंपन्न,हृद्य आहे.धन्यवाद. - वि.वा.शिरवाडकर, २०/९/१९८९ *
जगात जोवर जर-तर कायम
जगण्यासाठी मर-मर कायम
वरवर नुसती गळाभेट ही
दोघांमधले अंतर कायम
जन्माला ना पुरते आई
स्वतःस बेटा सावर कायम
किती पिढ्यांचे अश्रू प्याला
खारट झाला सागर कायम
वाटेमधला दगड कृपाळू
स्मरते त्याची ठोकर कायम
सदा मागते भलतेसलते
बंड मनाचे आवर कायम
श्रीकृष्णाचे ऐक रावणा
राहत नसते पॉवर कायम
( देशोन्नती दिवाळी २२ )
कोणत्याही टिप्पण्‍या नाहीत:
टिप्पणी पोस्ट करा