बापू

राजवाडा भ्रष्ट झाला,भ्रष्ट हा दरबार बापू;
थांबला गांधीगिरीने काय भ्रष्टाचार बापू?


व्यापतो जो देह सारा,खात जातो काळजाला;
देत नाही औषधाला दाद का आजार बापू.


मोठमोठ्या चार बाता स्टेजवरती सांगणारा;
मागताना दोन टक्के केवढा लाचार बापू. 


चोरलेला हार आहे,शाल आहे मारलेली;
गोड कर मोठ्यामनाने आमचा सत्कार बापू.


एक मुन्नी कोवळी अन पोरसवदा एक शीला;
मध्यरात्री नाचणारा हा कुणाचा बार बापू?


ऐकले चोरीस गेला बंद पेटीतून चष्मा;
आंधळ्यांचे स्वप्न झाले शेवटी साकार बापू!


जिंकणारा राम होतो,सत्य त्याची रामलीला;
हारणार्‍या रावणाचे कोसळे सरकार बापू.

   (‘कविता-रती’दिवाळी २०११ वरून साभार)

_______________________________________

शीर्षक क्लीक करा : गझल वाचा

******************************************************* माझी गझल मराठी बापू बाप  मूळ फुटाणे निर्माल्य घास तोल वरात कोळसा प्रचिती मदिरा अंदाज प्रसंग रक्त हात प्याला वाढ सत्कार अनुवाद दिंडी न्याय वाट तेजाब निखारे अंत्ययात्रा लकवा मशाल राख झेंडा पारा सत्य गंगा चवदार तळ्याचे पाणी सर्व औषधी परीक्षा राजा जाब पर्याय मोक्ष भोवताल भामटा दाद मंबाजी फूल सावली डाव पारदर्शी शुभेच्छा सावळी फोटो आत्महत्या इतिहास घराणे खंत माळ नाही दिवा जरीही चेहरा मी गेल्यावर उत्सव शेवटी दंगा तुकारामा भाव शस्त्र माह्या जिवाले वाटते. पहारा माणसे समर्पण भाई गुलाल सोबती शिकार वंदना दुकान भिंत दिवस ओठ तेरवी बियाणे वस्ती *******************************************************

.